Kanada ilk dəfə Avroviziya Mahnı Müsabiqəsində iştirak etməyə bir addım da yaxınlaşıb.
Belə ki, Kanadanın milli ictimai yayımçısı CBC/Radio-Canada Avropa Yayım Birliyinin (EBU) tamhüquqlu üzvü olub. Bu qərarla Kanada artıq Avroviziya Mahnı Müsabiqəsində iştirak etmək hüququ əldə edib.
EBU üzvlüyü Kanadanın 2027-ci ildə Bolqarıstanda keçirilməsi planlaşdırılan Avroviziya Mahnı Müsabiqəsində debüt etməsi ehtimalını xeyli artırır. Bununla belə, CBC hələlik yarışda iştirak edəcəyini rəsmi şəkildə təsdiqləməyib.
Kanada hökuməti də Avroviziya-da iştiraka maraq göstərir. Federal hökumətin büdcəsində Kanadanın bu populyar mahnı müsabiqəsində iştirak imkanlarının araşdırılacağı qeyd olunub.
Qeyd edək ki, Kanada indiyədək Avroviziya-da müstəqil iştirak etməsə də, bir sıra tanınmış kanadalı ifaçılar müxtəlif Avropa ölkələrini təmsil ediblər. Onların arasında ən məşhuru 1988-ci ildə İsveçrəni “Ne partez pas sans moi” mahnısı ilə təmsil edərək Avroviziya qalibi olan Céline Dion olub.
Bundan əlavə, Natasha St-Pier (Fransa, 2001), Annie Cotton (İsveçrə, 1993), Sherisse Laurence (Lüksemburq, 1986), Rykka (İsveçrə, 2016), La Zarra (Fransa, 2023) və Katerine Duska (Yunanıstan, 2019) da Avroviziya səhnəsində yer alıblar.
Kanadanın 2027-ci ildə yarışda debüt edib-etməyəcəyi ilə bağlı yekun qərarın yaxın aylarda açıqlanacağı gözlənilir. Əgər iştirak rəsmiləşərsə, Kanada Avstraliyadan sonra Avroviziya-da yarışacaq ikinci Avropadan kənar ölkə olacaq.
sitesinden daha fazla şey keşfedin
Subscribe to get the latest posts sent to your email.
