Ölkəmizi “Avroviziya 2026”da təmsil edəcək JIVA, mahnısı “Just Go”nu ilk dəfə Vyanada ifa edərək ilk məşqini uğurla başa vurub.
Avroviziyanın rəsmi Reddit hesabından səhnə ilə bağlı paylaşılan detallar aşağıdakı kimidir:
JIVA “Just Go” mahnısını dramatik və emosional bir performansla təqdim edir. O, səhnəyə tüstü buludu içindən daxil olur. Səhnə quruluşu yuxarıdan uzanan pərdələr və gecə ab-havalı “ev” atmosferi üzərində qurulub.
Qara, qırmızı və mavi payetlərlə bəzədilmiş parlaq libasda JIVA sevgi mövzusunda duyğusal bir çıxış sərgiləyir, arxa fonda pərdələrin üzərində isə qırılmış münasibəti əks etdirən ağ-qara vizuallar göstərilir.
Final hissəsində mahnıda sözügedən oğlan səhnəyə çıxır və aralarında gərgin bir qarşılaşma baş verir, lakin bu an ayrılıqla nəticələnir. JIVA azad olur və uzaqlaşaraq gedir ki, bu da güclənmə və emosional azadlığı simvolizə edir.
Qeyd edək ki, Azərbaycanın səhnəsindən üç foto görüntü sabah səhər saatlarında müsabiqənin rəsmi hesablarında yayımlanacaq.
Ölkəmiz növbəti ikinci məşqini isə 8 may tarixində Bakı vaxtı ilə saat 13:05 ilə 13:30 arasında həyata keçirəcək. Həmin məşqdən 30 saniyəlik video isə həmin gün ictimaiyyətə təqdim olunacaq.
Xatırladaq ki, JIVA ölkəmizi 14 may tarixində Bakı vaxtı ilə saat 23:00-da baş tutacaq “Avroviziya 2026”nın ikinci yarımfinalında 2-ci nömrə altında təmsil edəcək.
sitesinden daha fazla şey keşfedin
Subscribe to get the latest posts sent to your email.
