Məşqlərin dördüncü günü sona çatdı

“Avroviziya 2026”da məşqlər qaldığı yerdən davam edir. Bu gün Vyanada Wiener Stadthalledə məşqlərin dördüncü günü baş tutub.

Bu günkü məşqlər də mediaya qapalı şəkildə həyata keçirilib.

Lakin müsabiqənin rəsmi saytı arenada baş verənlərdən ibarət canlı bloq yazmaqdadır. Buna görə də yalnız bu mənbədən olan məlumatlarla sizlərə müsabiqənin məşq proseslərini canlı olaraq çatdıracağlq. Qeyd edək ki, bu gün məşq edəcək ölkələrdən üç şəkil sabah təqdim ediləcək.

Bu gün baş tutan məşqlərdə iştirak edən ölkələr bu şəkildədir:

Kipr;

Latviya;

Danimarka;

Avstraliya;

Ukrayna;

Albaniya;

Malta;

Norveç;

Məşqlər başladı!

1. Kipr;

Antigoninin səhnəsində böyük bir masa görürük.

Bu masa o qədər böyükdür ki, onun üzərinə dörd rəqqas çıxır. Hətta o qədər böyükdür ki, Antigoni və rəqqaslar onu “catwalk” kimi istifadə edir (xoreoqrafiya isə möhtəşəmdir və hətta masada boşqablar da var!). Masa o qədər böyükdür ki, stullar masanın ətrafında yox, birbaşa üstündə yerləşdirilib.

Bəs belə böyük masa düzgün “servis”siz olar? Bu masada LED zolaqdan hazırlanmış masa örtüyü var və bu, performansın bəlkə də ən vizual olaraq təsirli hissəsini, yəni mahnının “you want more?…” bölümünü yaratmağa kömək edir.

Ardınca Antigoninin özünəinamlı yürüşü gəlir və artıq masa səhnəsi bitir və o, Wiener Stadthalle “catwalk”undan tam istifadə etməyə başlayır. Bu hissə isə adətən rok çıxışlarında gördüyümüz güclü alov və pirotexnika effektləri ilə müşayiət olunur.

Antigoni qısa, ağ, muncuqlarla bəzədilmiş “Aphrodite” stilində libas geyinib və sanki iyul ayında Nikosiyada gecə gəzintisinə hazırdır. Çıxış isə mavi işıqlandırılmış nəhəng qədim sütunların yer aldığı led qrafiklər qarşısında təqdim olunur.

2. Latviya;

Atvaranın Avroviziya çıxışı Supernovadakı çıxışına bənzərdir.

Latviya nümayəndə heyəti bildirib ki, əsasən səhnə quruluşunu Avroviziya üçün daha böyük miqyasda təqdim etmək kifayət edib. Amma bununla belə, bəzi detallarda yeniliklər də hiss olunur.

Onun libasına tikilmiş daşlar daha da artırılıb ki, indi onlar daha aşağıya, bel hissəsinə qədər uzanır və hətta sol qolunun böyük hissəsini örtür. Bundan əlavə, səhnədə daha çox şüşə elementi var və o qədər ki, sanki bütün Wiener Stadthalleni doldura bilər.

3. Danimarka;

Søren Torpegaard Lundun məşhur “qutu” performansı daha da təkmilləşdirilib. Qutu daha da böyükdür. Søren bu dəfə səhnəyə daha dəbli çıxır. Qara dəri şalvar və üzərində akvamarin rəngli “silk chiffon” köynək var. Amma sürpriz də var… bir müddət sonra köynək cırılır və altındakı parlaq, torvari qara krop ortaya çıxır.

Qutunun içindəki qırmızı boru işıqları performans irəlilədikcə daha da güclənir və ikinci nəqarətə çatanda içəridə temperatur sanki maksimuma qalxır.

Performansın sonuna doğru o, “ qırmızı qutu”dan çıxır və səhnəni, həm döşəmədə, həm də arxa fonda fırtına effekti bürüyür. Amma bu uzun çəkmir və son 20 saniyədə vizuallar alovlara çevrilir və enerji yenidən pik nöqtəyə çatır.

4. Avstraliya;

Delta Goodrem Avroviziya üçün vizual baxımdan möhtəşəm bir performans təqdim edir. Səhnə işıq və kölgə oyunu ilə doludur və hər detal parlayır. Qrafikalardan tutmuş, Swarovski kristalları ilə bəzədilmiş “haute couture” libasına qədər (təxminən 7000 kristal və 500 saatlıq əl işi) hər şey parıldayır.

Delta səhnədə arfa ifaçısı ilə birlikdə çıxış edir və Avstraliyanın 2015-ci ildəki debütünə də incə bir göndəriş edir.

Konsepsiya dramatik şəkildə inkişaf edir və ay atmosferindən günəş tutulmasına keçid baş verir və finalda xüsusi pirotexniki effektlə çıxış tamamlanır.

5. Ukrayna;

LELÉKA çıxışına ağ “catwalk” boyunca irəliləməsi ilə başlayır. O, Yaroslav Dzhusa doğru gedir və Yaroslav, bandura alətində onu müşayiət edir.

İlk nəqarətdən sonra səhnə qaranlığa bürünür və LELÉKA mərkəzə keçərək bütün diqqəti öz üzərinə toplayır. Amma çox keçmir ki, onun səhnəsinə yenidən rəng qayıdır. Növbəti hissədə isə ifaçı “highnote” göstərir.

LELÉKA ağ donu ağ şalvar üzərindən geyinib və libas xırda, qat-qat parçalarla hazırlanıb və bu parçalar onun hərəkətlərinə uyğun olaraq dalğalanır.

6. Albaniya;

Alis həsrət və itki mövzusu üzərində qurulmuş mahnısına emosional bir performans təqdim edir. Çıxış qaranlıq və tüstülü bir atmosferdə onun diz üstə başlaması ilə açılır, daha sonra isə o ayağa qalxır.

Qara, parıltılı detallarla bəzədilmiş geyimdə olan Alis, səhnədə alban analarının oğullarını gözləməsini əks etdirən güclü vizuallarla əhatə olunur. Paralel olaraq oğulların analarına təsəlli verdiyi səhnələr göstərilir.

Performans zamanı ingiliscə subtitrlər də təqdim olunacaq ki, bu da mesajın daha aydın çatdırılmasına kömək edir. Eyni zamanda bəzi səhnə elementləri qəsdən gizli saxlanılıb və bu da çıxışa əlavə maraq qatır.

7. Malta;

Aidan “Bella” mahnısı üçün vizual baxımdan çox təsirli bir performansla təqdim edir. Səhnə klassik memarlıq üslubunu müasir işıqlandırma ilə birləşdirən nəhəng bir konstruksiya üzərində qurulub.

Bu rekvizit bəzən zoetrop effektinə çevrilir, yəni yuxarıdan onun ətrafında dövrə vuran rəqqas görüntüsü yaranır, eyni zamanda məşhur qızılgül ləçəkləri “tornado”su ilə birlikdə səhnədə görünür.

Səhnə quruluşu milli finaldakı çıxışın daha geniş və inkişaf etdirilmiş versiyasıdır. Aidan isə nadir arxiv parçası olan Gianni Versace dizaynı geyimlə, kovboy çəkmələri birləşdirərək özünəməxsus stilinə sadiq qalır.

Son bir dəqiqə isə fasiləsiz bir kadrla çəkilir ki, bu, tamaşaçı ilə romantik rəqs illüziyası yaradır, fırlanan konstruksiya isə kulminasiya anına daha çox dinamika və gərginlik qatır.

8. Norveç;

Jonas Lovv “YA YA YA” mahnısını cəsarətli və özünəinamlı performansla təqdim edir, güclü vizual üslubla seçilir. O, 90 ədəd romb formalı hissədən ibarət, qara dəri və payet detallı yüksək bel şalvar geyinir. Üstü açıq görünüşü və tatuları ilə “bədən bir kanvasdır” ideyasını ön plana çıxarır.

Səhnə quruluşu Melodi Grand Prix çıxışına çox bənzəyir ki, dinamik qırmızı işıqlandırma, strob effektləri və hərəkətli işıq sırası atmosferi daha da gücləndirir.

Final hissəsi isə olduqca intensivdir, yəni pirotexnika effektləri fonunda Jonas rok ulduzu kimi güclü poza alaraq çıxışı triumfal şəkildə tamamlayır.

Beləliklə, bu gün daha 8 ölkə ilk məşqini həyata keçirərək ikinci yarımfinalı tamamladı. Sabah birinci yarımfinalda yarışacaq ölkələrin bir hissəsi ikinci məşqini həyata keçirəcək.