Pete Parkkonen 8 fevral 1990-cu ildə Finlandiyada musiqiçi ailəsində dünyaya gəlib və musiqi ilə erkən yaşda tanış olub. Pete ilk dəfə geniş auditoriyanın diqqətini “Idols Finland” müsabiqəsində çəkib. Orada J. Karjalainen-in “Mies jolle ei koskaan tapahdu mitään” mahnısı ilə audisiya verib və müxtəlif janrlarda mahnılar ifa edərək finala qədər irəliləyib. Finalın son mərhələsində üçüncü yeri tutub, lakin sonrakı illərdə musiqi karyerasında böyük uğurlar qazanıb.
Idoldan sonra “Pete Sony BMG” ilə müqavilə imzalayıb və ilk albomu “The First Album” ilə çıxış edib. Albom ilk həftəsində birinci pilləyə yüksəlib və qızıl sertifikat alıb. İkinci albomu “I’m an Accident” isə ticarət baxımından eyni uğuru qazanmasa da, onun musiqi karyerasını gücləndirib. Pete həmçinin televiziya layihələrində də iştirak edib, “Livenä vieraissa” və “Kuorosota” kimi proqramlarda çıxış edərək xeyriyyə məqsədli performanslar edib.
2026-cı ildə Pete, məşhir violinist Linda Lampenius ilə birgə Finlandiyanın milli finalı olan “Uuden Musiikin Kilpailu 2026” (UMK 2026) qalibi olaraq, Finlandiyanı “Avroviziya 2026” mahnı müsabiqəsində “Liekinheitin” mahnısı ilə təmsil etmə hüququnu qazanıb.
Linda Lampenius isə 1970-ci ildə musiqiçi bir ailədə dünyaya gəlib. Atası Börje Lampenius teatr rejissoru, aktyor və bəstəkar olub, anası Ulla Eklund isə aktrisa və müğənnidir. Uşaqlıqdan musiqi ilə məşğul olan Linda üç yaşından valideynləri ilə birlikdə səhnəyə çıxıb, beş yaşında isə skripka üzrə təhsil alıb. 7 yaşında Helsinki Strings orkestrində soloist olaraq çıxış etməyə başlayıb və bütün dünyada turnelərə qatılıb.
Linda Sibelius Akademiyasında təhsil alaraq skripka, musiqi nəzəriyyəsi və opera vokalı üzrə təhsil alıb. Gənc yaşlarından konsertməstr kimi çıxış edib, Finlandiya Radio Simfonik Orkestri ilə solo çıxışlar edib və böyük orkestr təcrübəsi qazanıb. Sonrakı illərdə ABŞ, İsrail, Fransa və Finlandiyada master‑klasslarda iştirak edib.
Klassik musiqi karyerasından əlavə, Linda pop və rok musiqisinə də keçid edib. Onun ilk pop albomu “Linda Lampenius” 1997-ci ildə yayımlanıb və geniş diqqət çəkib. Sonrakı illərdə o, müxtəlif konsertlərdə, televiziya və festival çıxışlarında performans göstərib, həmçinin Metal Philharmonic, Rhapsody in Rock, Paul Potts və José Carreras kimi sənətçilərlə əməkdaşlıq edib.
Linda Lampenius həmçinin modellik, aktyorluq və xeyriyyə fəaliyyətləri ilə tanınır. O, illər ərzində bir çox xeyriyyə konsertlərində çıxış edib və dünyanın müxtəlif ölkələrində baş nazir və krallara, həmçinin Nobel mükafatı laureatlarına musiqi ifa edib.
O, 2002-ci ildən İsveçdə yaşayır və 2011-ci ildən həm Finlandiya, həm də İsveç vətəndaşıdır. Səhnə enerjisi, texniki ustalığı və musiqi ilə dolu çıxışları ilə Linda Lampenius Finlandiyanın ən tanınmış və çoxşaxəli violinistlərindən biri hesab olunur.
“Avroviziya 2026” səhnəsində çıxış edəcəkləri “Liekinheitin” adlı mahnı insanın içindəki emosiyaları və arzuları alov kimi sərbəst buraxmasını, qorxmadan duyğularını ifadə etməsini əks etdirir və “UMK 2026”-da rekord 570 xal toplayıb.
Mahnı həm Pete Parkkonen-in dinamik vokalı, həm də Linda Lampenius-in virtüoz violin ifası ilə daha da güclənir və tamaşaçıya alovlu bir performans təqdim edir.
sitesinden daha fazla şey keşfedin
Subscribe to get the latest posts sent to your email.
