UŞAQ AVROVİZİYA 2022 TƏMSİLÇİLƏRİ BƏLLİ OLDU

İrəvanda keçiriləcək sayca 20-ci Uşaq Avroviziya mahnı müsabiqəsinin 16 iştirakçısı da bəlli olub.

11 dekabr tarixində baş tutacaq müsabiqədə 2005-ci ildən sonra ilk dəfə Birləşmiş Krallıq iştirak edəcək.

İndi isə gəlin qısaca təmsilçilərə və onların mahnılarına nəzər yetirək:

Albaniya – Kejtlin Gjata – Pakëz diell;

Albaniya öz Uşaq Avroviziya 2022 təmsilçisini və mahnısını “Junior Fest 2022″nin köməyi ilə seçdi. Alban dilində olan mahnı ballad janrındadır. Mahnı rəsmi olaraq 5 noyabr Bakı vaxtı ilə 16:05-də təqdim olunacaq.

Ermənistan – Nare;

Ev sahibi Ermənistanın təmsilçisi bəlli olsada mahnı hələ ki, təqdim olunmayıb və hər hansısa yayım tarixi açıqlanmayıb.

Fransa – Lissandro – Oh maman;

Fransanın Uşaq Avroviziya təmsilçisi və mahnısı daxili seçim yolu ilə seçildi. Mahnı rəsmi olaraq təqdim olunsada, klip 6 noyabr Bakı vaxtı ilə 23:00-da yayımlanacaq.

Gürcüstan – Mariam Bigvava;

Gürcüstan isə öz təmsilçisini milli finalın köməyi ilə seçdi. Mahnı rəsmi olaraq təqdim olunmayıb.

İrlandiya – Sophie Lennon – Solas;

İrlandiya da Gürcüstan kimi öz təmsilçisini milli finalın köməyi ilə seçdi. Mahnının adı açıqlansada, mahnı rəsmi olaraq təqdim olunmayıb. Klipin bu həftə sonu təqdim olunması gözlənilir.

İtaliya – Chanel Dilecta – Bla Bla Bla;

İtaliyanın təmsilçisinin və mahnısının adı keçdiyimiz gün bəlli oldu. Mahnı və klip 10 noyabrda təqdim olunacaq.

Qazaxıstan – David Charlin – Jer-Ana (Mother Earth);

Qazaxıstanın təmsilçisi və mahnısının adı rəsmi olaraq açıqlanıb. Mahnı və klip isə 6 noyabr Bakı vaxtı ilə 12:00-da təqdim olunacaq.

Malta – Gaia Gambuzza – Diamonds in the Skies;

Maltanın Uşaq Avroviziya mahnısı hələ oktyabr ayında təqdim olunmuşdu. Klip isə rəsmi şəkildə artıq yayımlanıb.

Niderland – Luna – La festa;

Niderland isə öz təmsilçisini və mahnısını milli finalın köməyi ilə seçdi. Mahnı və klip rəsmi olaraq təqdim olunub.

Şimali Makedoniya – Lara ft. Jovan, Irina – Životot e pred mene;

Avroviziya 2023-də iştirakdan imtina edən Şimali Makedoniya Uşaq Avroviziya 2022 təmsilçisini bir ay bundan öncə təyin etmişdi. Klip və mahnı rəsmi olaraq təqdim olunub.

Polşa – Laura Bączkiewicz – To the Moon;

Polşa hələ sentyabr ayın da artıq öz təmsilçisini və mahnısını milli finalın köməyi ilə seçmişdi. Mahnı rəsmi olaraq təqdim olunsa da, klip hələ ki, təqdim olunmayıb.

Portuqaliya – Nicolas Alves – Anos 70;

Portuqaliya hələ yay aylarında öz təmsilçisini seçmişdi. Mahnının adı açıqlansada, mahnı rəsmi olaraq təqdim olunmayıb.

Serbiya – Katarina Savić – Svet bez Granica;

Serbiyanın mahnısı və klipi rəsmi olaraq 6 noyabrda Bakı vaxtı ilə saat 18:00-da təqdim olunacaq.

İspaniya – Carlos Higes – Señorita;

İspaniya öz təmsilçisini daxili seçim yolu ilə seçdi. Klip və mahnı təqdim olunub.

Ukrayna – Zlata Dziunka – Nezlamna (Unbreakable);

Avroviziya 2022 qalibi Ukrayna öz təmsilçini və mahnısını milli finalın köməyi ilə seçdi. Mahnının yenilənmiş versiyası və klipi hələ ki, təqdim olunmasa da, mahnının ilk versiyası yayımlanıb.

Birləşmiş Krallıq – Freya Skye – Lose My Head;

Sonuncu dəfə 2005-ci ildə müsabiqəyə qatılan Birləşmiş Krallıq yenidən müsabiqədə iştirak edir. Ölkə təmsilçisini və mahnısını daxili seçim yolu ilə seçdi.