Bu gün Bolqarıstan “Avroviziya 2026” üçün səhnəyə çıxacaq ifaçısını müəyyənləşdirir. BNT tərəfindən təşkil olunan milli seçimin ifaçı seçimi üçün olan finalı bu axşam baş tutacaq.
Final mərhələsində 8 ifaçı iştirak edir. Onlar münsiflər heyəti və tamaşaçıların birgə səsverməsi ilə qiymətləndiriləcək. Gecənin sonunda yalnız bir sənətçi qalib elan olunacaq və həmin ifaçı Bolqarıstan bayrağını Vyanada dalğalandıracaq.
Qeyd edək ki, bu mərhələdə mahnı deyil, ifaçı seçilir. Bolqarıstanın Avroviziya üçün rəsmi mahnısı 28 fevralda keçiriləcək ayrıca finalda müəyyən olunacaq. Seçilmiş ifaçı həmin gecədə üç fərqli mahnı təqdim edəcək.
Bu gün səhnəyə çıxacaq 8 ifaçı:
- Kerana and the Cosmonauts
- Mihaela Marinova
- Molec
- Roksana
- DARA
- Innerglow
- MONA
- Preyah
Xatırladaq ki, Bolqarıstan Turin 2022-dən sonra ilk dəfə Avroviziyaya qayıdır. Ölkə Avroviziya tarixində ən yaxşı nəticəsini 2017-ci ildə Kiyevdə Kristian Kostovun ifası ilə əldə edib.
sitesinden daha fazla şey keşfedin
Subscribe to get the latest posts sent to your email.
