“Avroviziya 2026″nın Malta təmsilçisi Aidan Cassar 17 Dekabr 1999-cu ildə Maltada anadan olmuşdur.
Aidan karyerasında ilk addımı 2015-ci ildə keçirilən “Malta Junior Eurovosion Song Contest” adlı milli final müsabiqəsində atmışdır. Qeyd edək ki, həmin il Malta öz Uşaq Avroviziya təmsilçisini bu müsabiqə yolu ilə seçmiş və müsabiqədə Aidan 8-ci yerə layiq görülmüşdü.
2018-ci ildə keçirilən “Malta Eurovision Song Contest 2028”də müğənni “Dai Laga” adlı mahnısı ilə iştirak etmiş və 4-cü yerə layiq görülmüşdü.
Daha sonra Aidan “X factor Malta“, “Mużika Mużika” kimi müsabiqələrdə də iştirak edib
Aidan 2022-ci ildə bir daha Maltanın milli seçimlərində şansını sınamışdı. “Ritmu” adlı mahnısı ilə Avroviziya fanatlarının diqqətini çəkən Aidan, milli finalda favoritlərdən biri olmasına baxmayaraq müsabiqədə 2-ci yer tutmuşdu.
Daha sonra 2023-cü ildə Aidan milli seçimlərə “Reġina” adlı mahnısını göndərmiş, yalnız mahnının sosial media postlarında qeyri-qauni şəkildə yayımlanması səbəbi ilə milli finaldan diskvalifikasiya olunmuşdu. Aidan öz mahnısını həmin milli finalda aralıq şou olaraq ifa etmişdi.
Nəhayət, Aidan 2026-cı ildə 4-cü dəfə MESC-yə mahnı göndərmiş və qalib gəlmişdir. Sözügedən mahnı Aidannın 14 mayda “Avroviziya 2026” müsabiqəsinin 2-ci yarımfinalında ifa edəcəyi “Bella” adlı mahnısıdır.
sitesinden daha fazla şey keşfedin
Subscribe to get the latest posts sent to your email.
