İslandiyanın milli yayımçısı RÚV rəsmi olaraq “Avroviziya 2026” mahnı müsabiqəsindən çəkildiyini elan edib. Qurum bu qərarı Avropa Yayım Birliyinin (AYB) İsrailin müsabiqədə qalmasına icazə verməsinin ölkə daxilində və beynəlxalq səviyyədə ciddi parçalanma yaratması ilə əsaslandırıb.
Qərar çərşənbə günü keçirilən idarə heyətinin iclasından sonra açıqlanıb. RÚV-un bəyanatına görə, İsrailin dövlət yayımçısı KAN-ın yarışda iştirakının davam etməsi cəmiyyətdə və AYB üzv kanalları arasında kəskin narazılıq yaradıb.
İslandiya bu qərarla İrlandiya, İspaniya, Niderland və Sloveniyanın ardınca “Avroviziya 2026″nı boykot edən ölkələr sırasına daxil olub. Həmin ölkələr də gələn il müsabiqədə iştirak etməyəcəklərini açıqlayıblar.
Gün ərzində RÚV-un baş ofisinin qarşısında toplaşan insanlar yayımçının Avroviziyadan çəkilməsinə dəstək nümayiş etdirmişdilər. Yayımçı qurum bildirib ki, İsrailin yayımçısının müsabiqədə qalması İslandiyada ciddi ictimai qarşıdurmaya səbəb olub.
RÚV-un baş direktoru Stefán Eiríksson tərəfindən imzalanan bəyanatda deyilir:
“RÚV-un Avroviziyada iştirakı ilə bağlı nə sevinc, nə də sülh mümkündür.”
O, həmçinin qurumun artıq AYB-yə rəsmi çıxış bildirişi göndərdiyini təsdiqləyib.
sitesinden daha fazla şey keşfedin
Subscribe to get the latest posts sent to your email.
