Tbilisidə keçiriləcək “Uşaq Avroviziya 2025″in səsvermə qaydaları yayımlanıb. Belə ki səsvermə prosesi iki mərhələdə həyata keçiriləcək: finaldan əvvəl və final günü son çıxış bitdikdən sonra. Gəlin əvvəlcə, ümümi səsvermə qaydaları ilə tanış olaq. Qaydaları sizə təqdim edirik:
- Səsvermə www.jesc.tv saytında baş tutacaq;
- Səsvermə prosesi iki pilləli həyata keçiriləcək: finaldan əvvəl və final günü son çıxış bitdikdən sonra;
- Səsinizin qeydə alınması üçün 3 ölkəyə səs verməlisiniz;
- Hər bir istifadəçi hər mərhələdə ancaq bir dəfə səs verə bilər;
- Azərbaycana da harada yaşamanızdan asılı olmayaraq səs vermək hüququnuz var.
- Səsvermə tam ödənişsizdir.
Birinci tur:
- Səsvermənin ilk fazası 13 dekabr Bakı vaxtı ilə saat 00:00-da başlayacaq;
- Səs verə bilmək üçün sayt tərəfindən təqdim edilən kiçik bir videonu izləməlisiniz. Bu görüntülər bitdikdən sonra, səsvermə pəncərəsi açıqlacaq;
- Ən azı 3 ölkə seçməlisiniz;
- Burada Azərbaycan ilə yanaşı digər 2 ölkəni seçmək mütləqdir. Əks halda səs vermək mümkün olmayacaqdır;
- Səsvermə prosesi 13 dekabr Bakı vaxtı ilə saat 19:59-a qədər davam edəcək.
İkinci tur:
- Səsvermənin ikinci fazası 13 dekabr final şousu günü, sonuncu ölkə (Albaniya) çıxışını bitirdikdən sonra təkrar açılacaq;
- Yenə də əvvəlki qaydada www.jesc.tv saytına daxil olaraq eyni cihazlardan təkrarən səs verə biləcəksiniz.
- Bu dəfə səs vermək üçün cəmi 15 dəqiqəniz olacaq;
Bu məqaləni paylaşaraq sən də Azərbaycan təmsilçisinə dəstək ola bilərsən.
Sonda isə bildirək ki, ölkəmizi təmsil edən YağMur “Miau Miau” adlı mahnısı ilə ikinci sırada çıxış edəcək. Ümid edirik, 2 rəqəmi YağMura birinciliyə gedən yolda qapıları açacaq.
sitesinden daha fazla şey keşfedin
Subscribe to get the latest posts sent to your email.
