Ötən gün baş tutan “Melodifestivalen 2025” finalından sonra Mans Zelmerlöw tənqid atəşinə tutulub.
Məğlubiyyətini həzm edə bilməyən Mans, jurnalistlərə sərt açıqlamalar verərək bütün diqqətləri öz üzərinə çəkmişdi.
Bundan sonra Mans açıqlama vermək qərarına gələrək öz sosial media hesablarında paylaşım edib :
Əziz dar düşüncəli nifrətçilər, Mənim nəticədən məyus olmağım – sadəcə sağlam düşüncənin göstəricisidir, elə deyilmi? Heç vaxt ikinci yeri tutub, bundan sonsuz dərəcədə xoşbəxt olan bir idmançı görmüsünüz? Mən qalib gəlmək istəyirdim. Bu, normal deyilmi? Axı bu, yarışmadır! Mən KAJ-ın qalibiyyətinə ürəkdən, inanılmaz dərəcədə sevinirəm və bu səfər boyunca birlikdə fantastik vaxt keçirdik. Onları şəxsən dəfələrlə təbrik etmişəm və mahnılarını heç vaxt dəyərsizləşdirməmişəm – əksinə! Onlar bizi Bazeldə layiqincə təmsil edəcəklər!
Amma sizin bu nəzarətsiz qəzəbiniz… Bu çılğın həddən artıq reaksiya… Sadəcə yarışmada qalib gəlmək istədiyim üçün məni şərhlərdə nifrətlə hədəfə almaq sizcə normaldır? Mənim ən böyük arzum bir daha İsveçi Eurovision-da təmsil etmək idi – bunun nəyi pisdir? Axı hamımız bu yarışma üçün buradayıq! Bu məni niyə “pis insan” etməlidir? Yarışma təzyiqindən qurtulanda göz yaşlarımı saxlaya bilmədimsə, bu, normal deyilmi? Bu, məni “pis uduzan” edirmi? Bir daha – KAJ-a BÖYÜK TƏBRİKLƏR! Mən Kevin, Aksel və Yakobu çox sevirəm! Və nifrət etməyən hər kəsə BÖYÜK TƏŞƏKKÜR – bu yolda verdiyiniz bütün səslər və dəstək üçün! ❤️
Qeyd edək ki, Mans yarışmada cəmi 7 xalla KAJ-a məğlub olmuşdu.
sitesinden daha fazla şey keşfedin
Subscribe to get the latest posts sent to your email.
