Avroviziyanın yeni icraçı direktoru Martin Green, AYB-nin son plenar iclasından İsrailin lehinə çıxan qərardan sonra Avroviziya azarkeşlərinin çağırışına cavab verib:
Əziz fanatlar,
Bilirəm ki, bu günlərdə bir çoxunuz güclü emosiyalar yaşayır. Mən də eləyəm və buna görə sizə birbaşa müraciət etmək istədim.
Bilirəm ki, Yaxın Şərqdə baş verən hadisələrə və onların Avroviziya Mahnı Müsabiqəsi ilə necə əlaqəli olduğuna görə dərindən narahatsınız. Son illərdə bu bölgədə gördüklərimizə biganə qalmaq mümkün deyil. Bəziləriniz bizə yazdınız, öz fikrinizi bildirdiniz, qəzəbinizi və ya faciə qarşısında susqunluq kimi gördüyünüz şeyə qarşı ağrınızı ifadə etdiniz. Bilməyinizi istəyirəm ki, biz sizi eşidirik. Niyə bu qədər güclü hiss etdiyinizi anlayırıq və buna görə əhəmiyyət veririk.
Avroviziya Mahnı Müsabiqəsi 70 il əvvəl bölünmüş və parçalanmış bir Avropada musiqi vasitəsilə birlik, sülh və ümid rəmzi kimi dünyaya gəlib. Bu təməllər dəyişməyib, müsabiqənin məqsədi də dəyişməyib.
Avroviziya müharibələrə, siyasi çalxalanmalara və dəyişən sərhədlərə baxmayaraq yaşayıb və inkişaf edib. Bütün bunların içində o, Avropanın və indi dünyanın hər yerindən insanların bir araya gələrək yaradıcılığı və musiqini qeyd etdiyi bir məkan olaraq qalıb.
Bilirik ki, bir çox fanatlar bizdən geosiyasi hadisələr barədə açıq mövqe tutmağımızı istəyir. Amma Avroviziya Mahnı Müsabiqəsinin insanları bir araya gətirməyə davam etməsinin yeganə yolu qaydalarımıza sadiq qalmaqdır.
Gələn ilə baxarkən əmin olacağıq ki, bütün iştirakçı yayımçılar müsabiqənin qaydalarına hörmət edəcək və əgər etməsələr, şəxsən mənim tərəfimdən bunun qarşısı alınacaq və buna reaksiya veriləcək.
Bölünmüş bir dünyada Avroviziya Mahnı Müsabiqəsi milyonların bizi birləşdirən şeyləri qeyd edə biləcəyi xüsusi bir məkan təklif edir. Musiqinin mərkəzdə olduğu bir məkan. Kim olmağınızdan, harada olmağınızdan və dünya barədə hansı görüşlərə sahib olmağınızdan asılı olmayaraq hər kəsi qəbul edən bir məkan.
İrlandiya, İspaniya, İslandiya, Sloveniya və Niderland fanatlarına ayrıca demək istəyirəm ki, sizin kanallarınız, bütün üzvlərimiz kimi onlar üçün doğru olduğunu düşündükləri bir qərar verdilər və bu debatda ləyaqətlə iştirak etdilər. Burada hamımız onların mövqeyinə və qərarına hörmət edirik. Ümid edirik ki, yaxın zamanda müsabiqəyə qayıdacaqlar və biz onlarla yenə dost və həmkar kimi işləyəcəyik.
Bizim sənətçilərimiz, nümayəndə heyətlərimiz və ən önəmlisi siz, fanlarımız bu müsabiqənin ürəyisiniz. Bu tədbirə nə qədər sevgi bəslədiyinizi, həyatınızın nə qədərinin Avroviziya Mahnı Müsabiqəsinə olan ehtiras üzərində qurulduğunu çox yaxşı bilirik.
Əlimizdən gələni edəcəyik ki, növbəti 70 il və daha çox müddət ərzində Avroviziya Mahnı Müsabiqəsi dostluqların qurulduğu, dillərin öyrənildiyi və yeni janrların, sənətçilərin kəşf edildiyi bir məkan olaraq davam etsin”.
Qeyd edək ki, İsrailin müsabiqədə iştirakı sonrası İslandiya, İspaniya, İrlandiya, Sloveniya və Niderland “Avroviziya 2026”dan çəkilib.
sitesinden daha fazla şey keşfedin
Subscribe to get the latest posts sent to your email.
